ခုတလော

ခုတလော

လက်တွေ့ဘ၀ဟာ စိတ်ကူးယဉ် အိပ်မက်ထဲက ဘ၀တွေနဲ့ အတော့်ကို ကွာခြားနေရင် လူတယောက်အဖို့ ရုန်းကန် လှုပ်ရှားရတာတွေ မလွယ်ကူလှပါဘူး ဒီလိုပဲ လက်ရှိအချိန်ထိ ဘာမှရေရေရာရာ မဖြစ်လာသေးတဲ့ ဘ၀ကြီးကိုကြည့်ပြီး တခါတရံမှာ စိတ်ပျက်အားငယ်နေမိတတ်တယ်။ ကိုယ့်တယောက်ထဲ ဘ၀အတွက်တော့ မဟုတ်ပါဘူး နောင်ဖြစ်လာမဲ့ ရှေ့ရေးတွေကို တွေးပြီး တခါတလေ စိတ်ပျက်နေမိတတ်တဲ့ အကျင့်တွေ ဘယ်က ဘယ်လိုရောက်လာမှန်းလဲ မသိပါဘူး။ လူအများအမြင်မှာတော့ ကျနော်ဟာ ပျော်ပျော်နေတတ်တဲ့ အစအနောက်သန်တဲ့ လူငယ်တယောက်အဖြစ်ပေါ့... မှန်ပါတယ် ကျနော် အစအနောက် သန်ပါတယ်။ ဒါပေမဲ့ ကျနော်ကြောင့် တဦးတယောက် စိတ်ညစ်သွားရလောက်တဲ့ထိ ကျနော်မစနောက်ခဲ့ပါဘူး။ ဘယ်သူ့ကိုမှလဲ နာပါစေဆိုပြီး ကျနော်ပြောဆိုခဲ့ခြင်း မရှိခဲ့ဖူးပါဘူး..... ခုတလောပေါ့ စဉ်းစားနေမိတာတွေ ချရေးလိုက်ပါတယ်။

တွေးမိနေတာက

ခုတလော တွေးနေမိတာကတော့ အစုံပါပဲ။ ဒါပေမဲ့ တခုမှတော့ လက်တွေ့ အကောင်အထည် မဖော်နိုင်သေးပါဘူး။ တချိန်ပေါ့ အကောင်အထည်ပေါ်လာအောင်တော့ ကြိုးစားနေရမှာပါပဲ။ ဒီတော့ စိတ်ကူးထဲက တွေးနေတာလေးတွေ မပျောက်ပျက်အောင်တော့ တွေးနေမိပါတယ်

ကိုယ့်ကိုယ်ကို ပြန်ဆင်ခြင်မိတာက

ကိုယ့်ဟာကိုယ် တခါတလေ ပြန်သုံးသပ်ကြည့်မိပါတယ်။ တကယ့်ကို ပေါ့ပေါ့နေ ပေါ့ပေါ့စား လူတယောက်မျိုးဖြစ်နေလား မသိပါဘူး။ လိုအပ်ချက်တွေ ပြုပြင်ရမဲ့ အချက်တွေ များနေပါတယ်။


ကျန်းမာရေး

ကျန်းမာရေးကတော့ ဒေါင်ဒေါင်မြည်ပါတယ်။ အံ့သြော်ဖို့ကောင်းတာတခုကတော့ ဒီကိုရောက်လာပြီးကတည်းက တော်ယုံတန်ရုံ ဖျားနာတာတောင် မရှိသလောက်ပါပဲ။ ရန်ကုန်မှာတုန်းကဆို ခဏခဏ နေမကောင်းချင်သလိုလို ဖြစ်တတ်ပါတယ်။ ကိုယ့်ဘာသာ တယောက်ထဲ နေတော့ သိပ်ပြီး ရောဂါမဖြစ်တတ်ပါဘူး။ တယောက်ထဲနေလို့ ဂရုစိုက်လားဆိုတော့လဲ ဂရုမစိုက်ဖြစ်ပါဘူး။ :P ဂျီကျစရာ မိဘ ဆွေမျိုးမရှိလို့နဲ့ တူပါတယ်။း)

ဖတ်ဖြစ်နေတာက

ဖတ်ဖြစ်တာကတော့ အွန်လိုင်းက ဘလော့စာပေအစုံပါပဲ။ ဒါပေမဲ့ ခုတလော စိတ်က နုနုလေးတွေ ရေးတဲ့ စာတွေဆို သိပ်စိတ်မ၀င်စားဘူး။ ပုံမှန်သွားဖတ်ဖြစ်နေတာက မြန်မာဘောလုံး ၊ ကိုလူထွေး၊ ဦးကျောက်၊ ကိုပီတာ၊ ကိုနစ်နေမန်း၊ အာဇာနည်၊ ဧရာဝတီ ဒါလောက်ပါပဲ။ အင်္ဂါနဲ့ သောကြာဆိုရင်တော့ First-11 ကိုဝင်ဖတ်ဖြစ်ပါတယ်။ ဘောလုံးကလဲ ၀ါသနာပါတယ်ဗျ..

ရောက်နေတဲ့နေရာက

ပုံမှန်သွားနေတာက အလုပ်ကိုလေ။ မနက်အိပ်ရာထ ရေချိုးပြီး အလုပ်ကိုသွားတယ်။ ညနေ မိုးချုပ်ပြန်လာတယ်။ ဒါက ပုံမှန်ပေါ့။ အလုပ်ပိတ်ရက်တွေကတော့ ညီအကိုမောင်နှမတွေ စုစည်းရာ မိသားစုအိမ်လေးမှာ သွားအနားယူပါတယ်။ အဲ့မှာ သူတို့ ချက်ကျွေးတဲ့ ထမင်းကိုအလကားစားတယ် သူတို့ ဖျော်တိုက်တဲ့ ကော်ဖီကို ပါးစပ်စိုက်ပြီး သောက်တယ်။ သူတို့နဲ့ ဂိမ်းတွေ တူတူဆော့တယ်။

မုန်းနေမိတာက

မုန်းနေမိတာက ဘာမှမရှိပါဘူး။ လူတယောက်ကို အကြောင်းမဲ့ စကားမပြောပဲ မနေတတ်သလို လူတွေကိုလဲ မမုန်းတတ်ပါဘူး။ တခါတလေ စိတ်ထဲမှာ အမြင်မတူရင်လဲ ခဏလေး စကားမပြောပဲနေလိုက်တယ် ပြီးရင်တော့ စကားတွေ ဖောင်ဖွဲ့ပြီး ပြန်ပြောဖြစ်တာပါပဲ။ အားလုံးကို မမုန်းတတ်ပါဘူး

ချစ်နေတာက

ချစ်နေတာက မိသားစုလေးနဲ့ တဦးတည်းသော ချစ်ရတဲ့သူပေါ့း)

စိတ်ပျက်နေမိတာက

စိတ်ပျက်စရာ မရှိသေးပါ။ ရှိနေခဲ့တယ်ဆိုရင်လဲ ကိုယ့်ဟာကိုယ်ပဲ စိတ်ပျက်နေမိမယ်နဲ့ တူတယ်။

နားထောင်နေမိတဲ့သီချင်း

ခုတလော အမေသီချင်းတွေချည်းပဲ နားထောင်ဖြစ်ပါတယ်။ ကျနော်က ဟစ်ဟော့တွေ ဘာတွေ မကြိုက်တတ်ဘူး ကျနော်ကြိုက်တာက သီချင်းအေးလေးတွေ ဥပမာ လွှမ်းမိုးတို့ ၊ စိုင်းထီးဆိုင်၊ စိုင်းဆိုင်မောဝ် တို့ပေါ့ ဒါလေးတွေကတော့ အမြဲအားရင် နားထောင်ဖြစ်တတ်ပါတယ်။

တမ်းတနေမိတာက

တမ်းတနေမိလောက်အောင်လဲ တယောက်မှ မရှိပါဘူး။ စိတ်ထဲမှာ တမ်းတတာဆိုလို့ ဘယ်သူမှ မရှိဘူး ဖြစ်နိုင်ရင်တော့ အိမ်ကိုပဲ တမ်းတနေမိတယ် ညီအကိုမောင်နှမတွေ ချက်ကျွေးတဲ့ ထမင်းဟင်း စားရတော့ အမေ့ရဲ့ လက်ရာတွေကို ပိုလို့တောင် တမ်းတနေမိတယ်.

လိုအပ်နေတာက

လောကမှာ အလိုအပ်ဆုံးက ဘာလဲ.. အဲ့ဒီအရာတွေ အားလုံး ကျနော် လိုအပ်နေပါတယ်။

စားဖြစ်နေတာက

ရုံးဖွင့်ရက် နေ့လည်စာ စားဖြစ်နေတာက သူများရောင်းတဲ့ အစားအစာတွေ။ ချိုချိုပေါ့ပေါ့ တွေ
ရုံးဖွင့်ရက် ညစာကတော့ သူငယ်ချင်း ချက်ကျွေးတဲ့ ထမင်းဟင်း (ရှယ်ပဲ)
ရုံးပိတ်ရက် စားဖြစ်နေတာက ညီအကိုမောင်နှမတွေ ချက်ကျွေးတဲ့ ထမင်းဟင်း

လွမ်းနေမိတာက

မိသားစုပါပဲ။ မတွေ့တာ ကြာပြီဖြစ်တဲ့ မြန်မာပြည်က မိသားစုနဲ့ သူငယ်ချင်း ညီအကိုမောင်နှမတွေ

သနားနေမိတာက

သနားနေမိတာထက် စိတ်မကောင်းဖြစ်မိတာတွေတော့ ရှိပါတယ်။ တခါတလေ သူတို့တွေကို ကြည့်ပြီး စိတ်မကောင်းဖြစ်မိတယ်။ တခါတလေတော့လဲ အားမရပြန်ဘူး။


တောင်းမိတဲ့ဆု

အားလုံးကို အဆင်ပြေစေချင်ပါတယ်။ ကျနော်အပါအ၀င်ပေါ့း)


ကြိတ်ပြီး ချီးကျုးနေတာက

ကြိတ်ပြီးကော မကြိတ်ပြီးကော ချီးကျူးနေမိတာ မွေးမိခင် ကျေးဇူးရှင်ကိုပါး)
ပြီးတော့ ကျေးဇူးရှိတဲ့ ဦးလေးရဲ့ ဘ၀လေးကိုလဲ အားကျတယ်

ကြိတ်ပြီးအထင်သေးနေမိတာက

အထင်သေးတယ်ဆိုတာ မရှိပါဘူး။ တခါမှ လူတယောက်ကို အထင်သေးတဲ့ စိတ်မဖြစ်ဖူးဘူး။ တခါတလေတော့ စိတ်ပျက်စရာကြုံရင်တော့ သူ့တို့ကိုကြည့်ပြီး စိတ်ညစ်ဖူးပါတယ်။ ဒါပေမဲ့ အထင်ဘယ်တော့မှ မသေးပါ။ လူတိုင်း လူတိုင်း ကိုယ်တတ်နိုင်သလောက် အားအင်ရှိပါတယ်။ တကယ်တော့ အဲ့အားအင်တွေကို အပြည့်အ၀ မထုတ်သုံးတတ်သေးတာပါ။

ဝန်ခံချင်တာက

ဒီစာကို မရေးချင်သေးပါဘူးး) ကိုဖိုးစိန် က လာလာအော်နေလို့ ရေးလိုက်တာ
တော်ကြာ သူချက်ကျွေးတဲ့ ထမင်းဟင်းကောင်းကောင်းလေးတွေ မစားရပဲ နေမှာစိုးလို့ပါး)))))



လူသားတိုင်းသည် လွတ်လပ်စွာ ဝေဖန်ခွင့်၊ ငြင်းဆိုခွင့် ရှိပါသည်။

လေးစားလျက် တောင်ပေါ်သား