နှစ်ကူး အတွေးများ

နှစ်ကူး အတွေးများ

တဆောင်းကုန်လို့ နှစ်သစ်လာတော့မယ်
ဒီချိန်ဆို ကျနော်တို့ မြို့လေး အေးနေလောက်ပေါ့
မနက်ခင်း မြူတွေကြားက ပြေးလွှားနေတဲ့ ဈေးသည်တွေ
ဘ၀အတွက် ရုန်းကန်နေတဲ့ ရိုးသားတဲ့ တောင်ပေါ်သားတွေ
အော် အားလုံး လွမ်းမောစရာပေါ့

ဒီအချိန်ဆို ချယ်ရီတွေ ဝေပြန်ပြီပေါ့
တောင်တန်းတွေမှာ ပန်းရောင် ကော်ဇောကြီးခင်းထားသလား
တောတောင်တွေမှာ ထင်းရူးရနဲ့တွေ ပြန့်လွင့်နေပြီလား
ဒီလို လှပတဲ့ ရှမ်းတောင်တန်းတွေကိုလဲ မမြင်ရတာကြာနေပြီးပေါ့
မနက်ခင်း နှင်းတွေ တွဲခိုနေတဲ့ မြက်ကလေးရေ
မင်းကတော့ ပျော်နေရှာမှာပေါ့

တချက် တချက် မြင်ရတဲ့ နေ့လယ်ခင်း နေရောင်ရယ်
မင်းမရှိတော့လဲ ဘ၀တွေ ပျက်စီးသွားမှာပေါ့
ဘယ်လိုပဲ အေးချမ်းနေပါစေ မနက်အိပ်ရာထ အချိန်တော့
ငါတို့ မင်းကိုတောင့်တမိပါတယ်
အေးချမ်းတဲ့ ဆောင်းညလေးမှာ
အမေချက်တဲ့ ထမင်းနဲ့ ဟင်းစားပြီး
စောင်ထူထူထဲ ၀င်အိပ်ရတဲ့ တောင်ပေါ်ညလေးတွေပေါ့

ဒါမှမဟုတ်

ပျက်စီးနေတဲ့ ကမ္ဘာပေါ်မှာ ကျနော်ချစ်တဲ့ မြို့လေး
ဆောင်းဆိုတာ မရှိ မြူနှင်းတွေ ကွယ်ပျောက်ပြီး
အတိတ်က လွမ်းမောဖွယ် အရိပ်တွေ ကွယ်ပျောက်နေပြီလား
အေးချမ်းလှတဲ့ ကျနော်မြို့လေး
ပူလောင်မူတွေ ကျရောက်နေပြီလား

ချယ်ရီတွေ ဝေနေရမဲ့ အချိန်မှာ
သစ်ခိုးခုတ်တဲ့ လူတစ်ချို့….
မီးတိုက်သွင်းတဲ့ လူတစ်ချို့ကြောင့်
ချယ်ရီတွေ ပျောက်နေပြီလား
ထင်းရူးရနံ့တွေ ပျောက်ကွယ်နေပြီလား
တောင်ကတုံးတွေ အဖြစ်ကျရောက်နေပြီလား

ရိုးသားတဲ့ တောင်ပေါ်သားတွေ
ဘ၀အတွက် စားဝတ်နေရေးအတွက်
ရိုးသားမူကို မစောင့်ထိန်းနိုင်တော့ဘူးလား
ဘာတွေ ဘယ်လိုဖြစ်ဖြစ်
ကျနော်မြို့လေးဟာ ကျနော်ရင်ထဲမှာ
ထာဝရ ရှိနေမြဲပါ

တောင်ပေါ်သား