ညမီးကျီး အပိုင်း (၁)

ညမီးကျီး အပိုင်း (၁)

ဘာလိုလိုနဲ့ ကျနော်မြို့လေးရဲ့ အမှတ်အသားလေးဖြစ်တဲ့ တောင်ကြီးတန်ဆောင်တိုင်တောင် ရောက်တော့မယ်ဗျာ.. ဒီတစ်နှစ်လည်း မပြန်ဖြစ်တော့ဘူးနဲ့တူပါတယ်.. အလုပ်တွေကများ၊ စိတ်တွေကရှုပ်နဲ့ အားလပ်ချိန်လေးရတော့လည်း မြန်မာပြည်ကိုလွမ်းတဲ့ စိတ်လေးကြောင့် မြန်မာ Site၊ Blog တွေ လည်နဲ့ အချိန်ကုန်သွားပါတယ်.. ဒီနေ့ ကျနော် မြန်မာ e-book ကိုသွားမွှေလိုက်တာ ကျနော်ရဲ့ မြို့လေးအကြောင်းပါတယ် စာရေးဆရာမ ဂျူးရဲ့ "ညမီးကျီး" ဆိုတဲ့ စာအုပ်လေးကို တွေ့လိုက်တော့ အမှတ်တရ အနေနဲ့ တင်ပေးလိုက်ပါတယ်..


ညမီးကျီး



အကဲဖြတ်ဒိုင်လူကြီးအဖွဲ့က အသံချဲ့စက်ဖြင့်အော်၍ သတိပေးကြော်ငြာလိုက်၏။

“အခုတစ်ခါယှဉ်ပြိုင်ဖို့အလှည့် ကျတာကတော့ ရွှေအင်သားအဖွဲ့ရဲ့
ညမီးကျီးဖြစ်ပါတယ်” ။
လက်ခုပ်သံများ လက်ခေါက်မှတ်သံများကိုကြားလိုက်ရသည်။(ရွှေအင်းသား}အဖွဲ့ကို အားပေးသူများလည်းပါမည်။
ညမီးကျီးဟူသောအမျိုးအစားအပေါ် အားရကျေနပ်စွာ အားပေးသူများလည်းပါလိမ့်မည်။ တောင်ပေါ်ကွင်းပြင်တစ်ခုလုံး ကြိတ်ကြိတ်တိုးစည်ကားကျပ်ညပ်နေသော ပရိသတ်သည် တဖြည်းဖြည်းစူးရှသိပ်သည်းလာသော အအေးဒဏ်ကို သတိမပြုမိသလိုပင်ဖြစ်သည်။ ဇွဲကောင်းလှပါပေရဲ့ဟု စော ကမှတ်ချက်ချမိသည်။ စောအနီးမှာရပ်နေသော စောယောင်္ကျားသည်
မီးပုံးပျံများစောင့်ကြည့်ခြင်းကို သိပ်စိတ်ဝင်စားပုံမရ။၁၅မီနစ်တခါလောက် လက်ပတ်နာရီကို ကြည့်နေ၏။

"အမြင့်ပေ၆၀၊ထိပ်ဝအကျယ်၂၅ပေရှိပါတယ်၊ ချိတ်ဆွဲထားတဲ့ ယမ်းအလေးချိန် ကတော့ ပိသာ၄၀တိတိဖြစ်ပါတယ်” ။

ပရိသတ်က ဝေါခနဲအာမေဍိတ်သံပြုလိုက်ကြသည်။ယမ်းပိသာချိန်များသည့်အခါ ထိုမီးပုံးပျံကြီးကောင်းကင်မရောက်မီပေါက်ကွဲခဲ့သော် ရရှိလာမည့်အန္တရာယ်သည်တော်တော်ကြီးမားမည်ဖြစ်သည်။

”ကုန်ကျစရိတ် စုစုပေါင်းကျပ် နှစ်သိန်းတိတိဖြစ်ပါတယ်ခင်ဗျား”

အဲဒီကုန်ကျစရိတ်ကျပ်နှစ်သိန်းရှိပြီးယမ်းပိသာချိန်၄၀ရှိသောမီးပုံးပျံကြီးကို မှိုင်းတိုက်နေကြပြီဖြစ်သည်။

မီးပုံးပျံကြီးကိုမှိုင်းဝအောင်မီးရှို့မှိုင်းတိုက်နေချိန်မှာ ရွှေအင်းသားအဖွဲ့၏ ဖျော်ဖြေရေး တာဝန်ခံအဖွဲ့ငယ်က အိုးစည်ဗုံမောင်းများတီးခတ်ပြီး နောင်ဗေနောင်ဖြင့် ရိုးရာအက ကနေကြသည်။ စောသည် ပျော်ရွှင်စွာတီးမှုတ်နေသူများ၊မှိုင်းတိုက်နေသူများ၊အလုပ်ရှုပ်စွာတ က်ကြွနေကြသူများကိုခြေဖျားထောက်ကာ လူအုပ်နောက်မှကြည့်ရင်း အံ့သြနေသည်။
သြော် . . . ငွေနှစ်သိန်းကို လှလှပပမီးရှို့ပြဖို့ လူအင်အားတွေ အချိန်တွေ ဘယ်လောက်စတေးခဲ့ရပါသလဲ။ သူတို့ဘာအတွက်လုပ်နေကြတာလဲ။ အနုပည်အတွက်သက်သက်ပဲလား။ သူတို့အတ္တ…၊ သူတို့ဂုဏ်သိက္ခာအတွက်လည်းပါမှာပေါ့လေ။

“စော ပြန်ကြဖို့ကောင်းပြီးထင်တယ်၊နှစ်နာရီထိုးနေပြီ”
“ ခဏလေး၊ဒီတစ်လုံးကြည့်ပြီးရင် ပြန်မယ်”
သူ့ကို"မောင်”ဟူသော အသုံးအနှုန်းဖြင့်ဆက်ဆံလို့မရခဲ့သည်မှာ နှစ်နှစ်ကြာခဲ့တာလား၊သုံးနှစ်ကြာခဲ့တာလား စောကောင်းကောင်းမမှိတ်မိတော့ချေ။ သူ့အတွက် စော သည် လူသားတစ်ယောက်မဟုတ်တော့ဘဲ
ဇနီးအဖြစ်တီထွင်ခံထားရသည့် စက်ရုပ်တစ်ခုသာဖြစ်တော့သည်။ တစ်ခါတုန်းက အဲသည့်စက်ရုပ်သည် ချစ်မြတ်နိုးတက် ကြင်နာတက်သော ဇနီးဖြစ်ခဲ့သတဲ့။ စော သူ့ကို ဘာကြောင့်များ ချစ်ခဲ့မိပါလိမ့်။ ညသန်းခေါင်ကျော်ကာလ၊အမှောင်ထု သိပ်သည်းနေဆဲအချိန်မှာ စောသည် သူမယောင်္ကျားအား စေ့စေ့စပ်စပ် မော့်ကြည့်လိုက်မိသည်။ စော သူ့ကိုဘာတွေချစ်မိခဲ့တာလဲ။ သူမျက်နှာမှာ၊သူ့ဟန်အမူအရာမှာ စောချစ်ချင်စရာ ဘာမှကိုရှာမတွေ့ချေ။ စောကိုယ့်ကိုယ်ကို သဘောကျစွာ
အသံထွက် ရယ်လိုက်မိ၏။ ဟုတ်ပြီ။ သူ့အမူအကျင့်ကရော။ ဇနီးအပေါ်ထားသည့်စိတ်သဘောထားကရော။ဘယ်စကားလုံးက ပိုယဉ်ကျေးပါလိမ့်။
“ဘာရယ်တာလဲ စော”
သူမပို၍သာရယ်မိပြီး မီးပုံးပျံဆီကို အကြည့်ပြန်လွှဲလိုက်သည်။ မီးပုံးပျံကြီးက တဖြည်းဖြည်းပီပြင်လာပြီ။ တဖြည်းဖြည်းဖောင်၍ဖောင်း၍လာသည်။ တစ်ချက်တစ်ချက်တွင် မီးခိုးမှိုင်းများသည် မီးပုံးပျံထဲမှတဆင့်
လေဝေ့ရာသို့ လွင့်နေသည်။ ကပြနေသူတို့က မမောနိုင်မပန်းနိုင် က ဆဲ။ တီးသူတို့ကလည်း တီးဆဲ။ အိုးစည်သံနှင့် မောင်းသံသည် လှပစွာ ရောနှောလျက် ကွင်းတစ်ခုလုံး ပျံ့လွင့်စိုးမိုးထားသည်။စော သည်ကိုရောက်ခါစက အင်းသားနှင့် ပအိုဝ်းကို မခွဲခြားတက်ပေ။ အ၀တ်အစားအရသော်လည်းကောင်း၊ စကားပြော လေယူလေသိမ်းအရသော်လည်းကောင်း၊ ကဟန်အရသော်လည်းကောင်း အနည်းငယ်ကွဲပြားကြောင်း လေးငါးရက်နေပြီးမှ သိလာသည်။ နှစ်မျိုးလုံးဟာ စော အတွက် စိတ်ဝင်စားစရာချည်း ဖြစ်နေ၏။

“ပအိုဝ်းလေးတွေ လက်ချိုးတာက ဟော့ဒီလို ဟောဒီလို၊သိပ်ချစ်စရာကောင်းတာပဲ” ဟု ကထိန်လှည့်လာသည့်ပွဲကိုရပ်ကြည့်ရင်းက အားကျလာပြီး သူတို့လက်ချိုးသလို ချိုးကြည့်ကာ ကကြည့်တော့ သူမယောင်္ကျားက သူ့ကို ပြုံးမဲ့မဲ့ဖြင့် ရိသေး၏။
“စော. . . မင်းကိုယ့်ကိုမယူဘဲ ပအိုဝ်းတစ်ယောက်ကို ယူခဲ့ဖို့ ကောင်းတယ်လို့ တွေးနေပြီမဟုတ်လား”
တွေ့လား။ စော သူ့ကို မနှစ်မြို့ရခြင်းအကြောင်း အကြောင်းများစွာထဲမှာ သူတစ်ပါးကို နာလိုခံခက်ဖြစ်အောင် ရိတတ်သည့် အကြောင်းလည်း တစ်ခုအပါအ၀င်ဖြစ်သည်။ အမယ် သူကသာ သူတစ်ပါးကို စသလို နောက်သလို ရိချင်ပေမယ့် သူ့ကို ရိသလိုလိုပြောလျှင် မချိအောင် နာကာဒေါပွတတ်သေး၏။

“ပအိုဝ်းတစ်ယောက်ကို ယူတာ၊မယူတာ အသာထားလိုက်ပါလေ၊ ရှင့်ကိုတော့ ကျွန်မ ယူကို ယူခဲ့ဖို့မကောင်းတာအမှန်ပဲ”
ထိုစကားကို မျက်နှာထားတည်တည်ဖြင့် ပြောမိတော့ သူ့မျက်နှာ မည်းခနဲ မှောင်သွားတာ အကြာကြီး။ သူ့စိတ်ကို သူထိန်းချုပ်ကာ စကားပြောဖို့ စက္ကန့်သုံးဆယ်လောက် အချိန်ယူလိုက်၏။ ထို့နောက်မှ မပြုံးချင်ပြုံးချင်
“အခုတော့ မင်းနောက်ကျသွားပြီ” ဟုအထက်စီးလေသံဖြင့် ပြောလေသည်။
စောလေ သူ့ကို မုန်းလိုက်တာ။ မုန်းလွန်းလို့လည်း စေ့စေ့ကြည့်ပြီး တစ်ခွန်းပဲ ပြန်ပြောမိသည်။
“ထင်သလား၊နောက်မကျသေးပါဘူး”
ဟုတ်ပါသည်။ အိမ်ထောင်ရေးတစ်ခုကို ပြန်ပြင်ဖို့၊ သို့မဟုတ် ဖြိုခွဲပစ်ဖို့မှာ နောက်ကျတယ်ဆိုတာ မရှိပါ။ အခု နှစ်နှစ် သုံးနှစ်အတွင်း သူမအချိန်ယူစဉ်းစား ပြင်ဆင်နေသည်မှာ အိမ်ထောင်ရေးကို အဆုံးသတ်သင့်၊ မသတ်သင့် မဟုတ်ပါ။ အိမ်ထောင်ရေးကို နှစ်ဦးနှစ်ဖက်အနာတရကြီးကြီးကျယ်ကျယ် မဖြစ်ဘဲ လှပစွာ သိမ်မွေ့စွာ ဘယ်လိုအဆုံးသတ်ပစ်ရမလဲ ဟူသည့်အကြောင်းပင် ဖြစ်သည်။

“လေက အရှေ့တောင်အရပ်ကနေ အနောက်မြောက်အရပ်ကိုတိုက်ခတ်နေတာဖြစ်ပါတယ်။ ပွဲကြည့်ပရိသတ်များ ခင်းဗျား . . .အနောက်မြောက်အရပ်မှာ မနေကြပါနဲ့ခင်ဗျား၊ မီးပုံးပျံမှိုင်းဝနေပါပြီခင်ဗျား”

စောတို့ရပ်နေသည့်နေရာမှာ တောင်အရပ်တည့်တည့်ဖြစ်သည်။အန္တရာယ်ကင်းမည့်ပုံ ပေါ်ပါသည်။ အနောက်ဘက်အရပ်၊ မြောက်ဘက်အရပ်မှာ စုပြုံရပ်နေကြသူများ ရုတ်ရုတ်သဲသဲဖြစ်သွားသည်။ သည်လိုတော့လည်း တွက်လို့မရနိုင်ပါ။အခုမှ မီးပုံးပျံက မှိုင်းဝကာ ရုပ်လုံးပီပြင်စွာ တက်ဖို့အရှိတ်ယူနေဆဲဖြစ်သည်။ တစ်ခဏအတွင်းမှာပင် လေသည် ရပ်မျက်နှာပြောင်းကာ တိုက်ချင်တိုက်ပစ်လိုက်နိုင်၏။ ထိုအခါ စောတို့ရပ်နေရာနေရာသည် အန္တရာယ်ဇုန် ဖြစ်ချင်ဖြစ်သွားနိုင်သေးသည်။
“ရွှေအင်းသား မှိုင်းဝနေပါပြီခင်ဗျား၊ တက်လာပါတော့မယ်ခင်ဗျား၊ ယမ်းပိသာချိန် လေးဆယ်တိတိဖြစ်ပါတယ်ခင်ဗျား၊ မီးပုံးပျံလမ်းကြောင်းမှာမနေကြပါနဲ့ခင်ဗျား” ယမ်းပိသာချိန်၄၀သာ ပေါက်ကွဲလိုက်လို့ကတော့ . . .။ စော ပခုံးလေးသာ ကျုံ့မိ၏။ ဈေးဆိုင်တန်းများဆီမှ အသားကင်ရနံသည် ကွင်းပြင်ဆီကို လွင့်လာပြန်သည်။ ဆိုင်တန်းတွေဆီ လှည့်ကြည့်မိတော့ လူတွေနည်းနည်းကျဲသွားပြီ။ ဒါပေမယ့် နံနက်နှစ်နာရီထိအောင် စားသောက်သူများရှိနေဆဲ။ စောဖြင့် သည်လောက် ရှည်လျားများပြားလှသောဈေးတန်းကြီးကို တစ်ခါမှ မတွေ့ဖူးပေ။ ဤကွင်းပြင်ရှိရာသို့ရောက်ဖို့ ဘုရားစောင်းတန်း အုတ်လှေကားထစ်များမှ ဆင်းပြီးနောက် ထိုဈေးတန်းကို ထောင့်ဖြတ် ဖြတ်ယူနေရသည့်အချိန်တုန်းက စော၏ခြေထောက်တို့သည် မြေနှင့်ထိတစ်ချက် မထိတစ်ချက်ဖြစ်နေခဲ့၏။ ဆိုင်တန်းမျက်နှာစာတွေကိုကြည့်ပေမယ့် မမြင်ရ။ ဘေးမှာ၊ပတ်လည်မှာ စောလိုပင် ပွဲကြည့်ပရိသတ်၊ ပွဲဈေးတန်းလျှောက်ပရိသတ်တို့ဖြင့် အပြည့်မို့ ကြည့်လေရာရာမှာ လူမျက်နှာတွေ၊မည်းနက်သော ဆံပင်တွေချည်း မြင်နေရသည်။ နည်းနည်းလူချောင်သည့်ဆိုင်တန်းများကို ဖြတ်မိမှ ဘာဆိုင်တွေလဲဆိုတာ မြင်ရသည်။ အခုလို နံနက်နှစ်နာရီ ချမ်းစိမ့်အေးစက်လှသည့် နှင်းမှုန်အောက်တွင် မီးပုံးပျံစောင့်ကြည့်လိုက်၊ အနီးအနားက ဆိုင်တွေဆီ သွားစားသောက်လိုက်နှင့် သည်ဒေသက လူတွေရဲ့ လေ့ထုံးစံပဲနှင့် တူသည်။ စော အနေဖြင့် ချမ်းစိမ့်တုန်ခိုက်နေသည့် ကိုယ်ခန္ဓာကြောင့် ပူနွေးသည့်
ကော်ဖီခါးခါးမွှေးမွှေးလေး တစ်ခွက်တော့ သောက်ချင်သား။

သို့သော် ဆိုင်တန်းဆီသွားနေတုန်းသည်မီးပုံးပျံကောင်းကင်ထက်ရောက်သွားသည်ကို မကြည့်လိုက်ရမှာလည်းစိုးရိမ်သည်။ နောက်ပြီး ဆိုင်မှာ ထိုင်မသောက်ချင်။ ကော်ဖီခွက်ကို လက်နှစ်ဖက်ကြားမှာ အုပ်ကိုင်ကာ ကော်ဖီ၏ အပူကို တစ်ကိုယ်လုံး စိမ့်ဝင် နွေးထွေးသွားအောင် ခံစားရင်း၊လမ်းလျှောက်ရင်း သို့မဟုတ်မတ်တတ်ရပ်ကာ မီးပုံးပျံစောင့်ရင်း ကော်ဖီသောက်ချင်နေသည်။ သူမ၏အတွေးကို မဟုတ်သေးဘူးဟုသိ၏။ တောင်ကြီးလိုသန့်ရှင်းသပ်ရပ်သည့်မြို့မှာတောိ့စ္စမရှိပါ။တခြားသာမန်မြို့ကြီးတွေမှာတော့ ပြန်ဆေးယူရသည့်ကြွေခွက်၊ဖန်ခွက်တွေနှင့် ကော်ဖီလက်ဖက်ရည် ရောင်းချလျက်သားနှင့်အမှိုက်တွေ၊ဘူးခွံတွေနှင့် ညစ်ပတ်ရှုတ်ပွနေခဲ့ပြီးပါပြီ။သူမဆန္ဒရှိသလို ကော်ဖီကို တစ်ခါသုံးစက္ကူခွက်ဖြင့်ဟိုဟိုသည်သည်လမ်းလျှောက်ရင်း အလုပ်လုပ်ရင်း သောက်နိုင်ဖို့စက္ကူခွက်ယဉ်ကျေးမှုတစ်ခု ခေတ်စားအသုံးများလာခဲ့လျှင် အပုံလိုက်အပုံ လိုက်ဖြစ်လာမည့် တစ်ခါသုံးစက္ကူခွက် တွေကို မြင်ယောင်ကြည့်မိသည်။ မနည်းမနော ရှိမှာပဲ။အိုးစည်ဗုံမောင်းသံက ပိုပိုကျယ်လောင် မြိုင်ဆိုင်လာသည်။လူတွေပို၍ပို၍ပင် တိုးဝှေ့လာကြသည်။ မီးပုံးပျံစတင်တက်နေပြီ။အားပါးတရအော်ဟစ်သံများဖြင့် တစ်ခဏဆူညံသွား၏။

“တို့အင်းဆားကွ”

အင်းသားဟု အသံမထွက်ဘဲ အင်းဆားဟု ခပ်ဝဲ၀ဲအသံထွက်ဖြင့် အော်ဟစ်အားပေးသံကို ကြားလိုက်ရသည်။ ဆိုင်းသံ ဗုံသံအောက်မှာ အိမ်လောက်ကြီးသည့် မီးပုံးပျံကြီးသည် ယိမ်းထိုးလျက် တရွေ့ရွေ့တက်လေသည်။ မီးပုံးပျံ၏အောက်မှာ စနစ်တကျချတ်ဆွဲထားသော ယမ်းခွက်အမျိုးအမျိုးသည် ယိမ်းနွဲ့လျက် တွဲလောင်းပါသွားသည်။ မီးပုံးပျံကို မှိုင်းတိုက်ခဲ့သော
သစ်လုံးကြီးများအား မီးစွဲလောင်လျက်သားနှင့် ငြိမ်းသတ်ဖို့ ကွင်းပြင်တစ်ဖက်သို့ အပြေးအလွှား သယ်သွားကြသည်။ ကွင်းပြင်တစ်ခုလုံး လူတွေရွစိရွစိဖြစ်နေကြသည်။ မီးပုံးပျံတစ်ခု ကောင်းကင်ကို လွတ်လွတ်ကျွတ်ကျွတ်တက်သွားဖို့ သူတို့အားလုံး
တတ်စွမ်းသမျှကြိုးစားခဲ့ကြပြီးပြီ။ ကျန်သည့်အပိုင်းကတော့ ကံကြမ္မာ၏ အလုပ်ပဲဖြစ်သည်။ တစ်နည်းအားဖြင့် လေ၏အလုပ်ပေါ့။ လေသည် အရှိန်မှန်မှန်ဖြင့် မီးပုံးပျံကို အထက်မြင့်ရာသို့ တစ်လက်မချင်း တစ်လက်မချင်း သယ်သွားလိမ့်မည်ဟု မျှော်လင့်ရသည်။
လေ၏အကူအညီဖြင့် မီးပုံးပျံများ လွှတ်တင်သည့်အခါ အဖွဲ့သားအားလုံးကတော့ မီးပုံးပျံလွှတ်တင်ခြင်း အတက်ပညာအရ တည့်တည့်မှန်မှန်တက်အောင် ထိန်းချုပ်လွှတ်တင်ကြတာချည်းပါပဲ။ တစ်စုံတရာ ချွတ်ချော်ပြီး ကောင်းကင်သို့မတက်ဘဲ မီးလောင်ပျက်စီးသွားရတာတွေလည်း ရှိနေခဲ့သည်။ မီးလောင်ပျက်စီးမှုချင်းအတူတူဆိုလျှင် “ညမီးကျီး” အမျိုးအစားမီးပုံးပျံက မီးလောင်လျှင် ယမ်းပိသာချိန်များစွာ ပေါက်ကွဲလောင်ကျွမ်းမှာပဲဖြစ်သည်။