လောကမှာကြုံတွေ့ရသမျှ လူမူဒုက္ခ

လောကမှာကြုံတွေ့ရသမျှ လူမူဒုက္ခ

လူဘ၀တစ်ခု ရဖို့ဆိုတာ တော်ယုံတန်ယုံ ကုသိုလ်ကံနဲ့ ဖြစ်မလာနိုင်ပါဘူး.. လူရယ်လို့ ဖြစ်ကာရင် ကိုယ်ရဲ့ဘ၀မှာ လောကကြီးအတွက် ဒါမှမဟုတ် ကိုယ်ရဲ့နိုင်ငံအတွက်ပဲ ဖြစ်ဖြစ် ဘာတွေလုပ်ပေးခဲ့သလဲ.. နောက်ဆုံး ကိုယ်ရဲ့မိသားစုလေး အပေါ်မှာပဲ ဖြစ်ဖြစ် ဘာတွေ လုပ်ပေးခဲ့သလဲ.. တာဝန်ကျေပွန်တဲ့ လူသားတစ်ယောက် ဖြစ်ခဲ့လားဆိုတာကို ပြန်စဉ်းစား စေချင်ပါတယ်.. လူတိုင်းမှာ ငယ်စဉ်ကတည်းက ကိုယ်ပိုင်ခံယူချက်၊ ရည်းမှန်းချက်တွေ ရှိတတ်ပါတယ်.. ဥပမာ ကိုကြီးလာရင် ဘယ်လိုကြီးပွါးအောင်လုပ်မယ်.. ပြီးရင် ကိုယ်ရဲ့ မိဘကို ဘယ်လိုလေး ထားမယ် စသည်ဖြင့်ပေါ့ဗျာ… ဒါပေမဲ့ ဒီလို စိတ်ကူးတွေ၊ မျှော်မှန်းချက်တွေဟာ အသက်အရွယ်ကြီးလာတာနဲ့ အမျှ အကြောင်းကြောင်းကြောင့် ပျောက်ပျယ်သွားလေ့ရှိပါတယ်..

ကိုယ်ရဲ့ပင်ကို စိတ်ကြောင့်ပဲ ဖြစ်ဖြစ်၊ ပတ်ဝန်းကျင် အပေါင်းအသင်းကြောင့်ပဲ ဖြစ်ဖြစ် လူဆိုတာ တခါတလေ မှားတတ်ကြပါတယ်.. ဒီလိုမှားသွားခဲ့ရင်လည်း စိတ်ညစ်စရာတွေ ပြန်တွေးနေစရာမလိုပဲ အတတ်နိုင်ဆုံး ပြင်နိုင်ရပါမယ်.. ဒါပေမဲ့ လူတော်တော်များများဟာ ကိုယ်မှားတဲ့အမှားကို ကိုယ်တိုင်မသိဘူး ဖြစ်နေတတ်ပါတယ်.. လူငယ်တို့သဘာဝ ကိုယ်မှန်မယ်ထင်ရင် သူများတွေက ဘယ်လောက်မှားတယ်ပြောပြော ဇွတ်လုပ်တတ်တဲ့ သဘောရှိတတ်တာဟာ သဘာဝပါပဲ… ကျနော်ဘ၀မှာလည်း အဲဒီလို အမှားမျိုး ကျူးလွန်ခဲ့ဘူး ပါတယ်.. အဲဒီ အမှားလေး တစ်ခုဟာ ဘယ်သူမှ မသိနိုင်ခဲ့ပေမယ့် ကာယကံရှင် ဖြစ်တဲ့ ကျနော်ကတော့ တွေးမိလေတိုင်း စိတ်မကောင်းဖြစ်ရလေ့ရှိပါတယ်..

လူဆိုတာ အသက်အရွယ်ကြီးလာတာနဲ့ အမျှ စိတ်ကလည်း ရင်ကျက်လာတယ်ဆိုတာ ကျနော် လက်သင့်ခံသလောက်တော့ လက်ခံပါတယ်.. ဒါပေမဲ့ ကျနော်ခံယူတာကတော့ အသက်အရွယ်နဲ့ မဆိုင်ပဲ အဲဒီ လူတစ်ယောက်ရဲ့ ဖြတ်သန်းခဲ့ရတဲ့ ဘ၀အတွေ့အကြုံ ၊ လောကဒါဏ်ရဲ့ လှည့်စားမူတွေ၊ ရင်ဆိုင်ရမူတွေနဲ့ ပိုပြီးဆိုင်တယ်လို့ ထင်ပါတယ်.. ဥပမာဗျာ.. ငယ်စဉ်ကတည်းက ဘ၀အတွက်ရုန်းကန် လှုပ်ရှားခဲ့ရပြီး ကြီးပြင်းလာတဲ့ လူတစ်ယောက်ရဲ့ စိတ်ဓါတ်နဲ့ ဘ၀မှာ လိုလေတယ်မရှိအောင် နေလာရပြီး ကြီးပြင်းလာတဲ့ လူတစ်ယောက်ရဲ့ စိတ်ဓါတ် ကွာသလိုပါပဲ…အဲ လွယ်လွယ်ပြောရင်တော့ဗျာ.. အလုပ်လုပ်နေတဲ့ လူတစ်ယောက်မှာ ရှိတဲ့ idea နဲ့ အလုပ်မလုပ်ပဲ မိဘလုပ်စားထိုင်စားပြီး အလေလိုက်နေတဲ့ လူတစ်ယောက်မှာ ရှိတဲ့ idea ကွာသလိုပေါ့ဗျာ.. ဒါပေမဲ့ အားလုံးမှာတော့ ပတ်ဝန်းကျင်က ရလာတဲ့ ပညာ သို့မဟုတ် စရိုက် စသည်ဖြင့် တစ်ခုခုတော့ ရလာမှာပါပဲ..

တစ်ကယ်တမ်း ဘ၀မှာ ကိုယ်ရဲ့ခြေထောက်အပေါ် ကိုယ်ရပ်တည်ရတော့မဲ့ အချိန်ရောက်လာရင် အထက်ကပြောခဲ့တဲ့ လူနှစ်ယောက်ရဲ့ ကွခြားမူက တော်တော်ကို သိသာသွားပါတယ်.. နောက်တစ်ခုက ပညာလို့ပြောလိုက်လို့ ကျောင်းပညာရပ်ကို ဆိုလိုတာမဟုတ်ပါဘူး.. တကယ်တမ်း ကျနော်တို့ ဘ၀မှာ တွေ့ရတဲ့ ဒုက္ခတွေကို ရင်ဆိုင်နိုင် ဖို့ တတ်သင့်တဲ့ ပညာရပ်တွေဟာ ကျောင်းစာသင်ခန်း တစ်ခုထဲမှာ မဟုတ်ပါဘူး.. ကျောင်းပြင်ပ က ပညာရပ်တွေပါ တတ်မှ လောကကြီးကို ရင်ဆိုင်နိုင်မှာပါ.. တကယ်တမ်း ကျောင်းပညာရပ်ဆိုတာဟာ ကျနော်တို့ရဲ့ ဘ၀ကို အခြေခိုင်အောင် အစပျိုးပေးလိုက်တဲ့ နေရာတစ်ခုတာ ဖြစ်ပါတယ်..

(၂၅၊၇၊၀၈) ဒီနေ့ ကျနော် အလုပ်က ပြန်လာတော့ လမ်းမှာ ကျောင်းတုန်းက သူငယ်ချင်း တစ်ဦးနဲ့ မမျှော်လင့်ပဲ ဆုံဖြစ်ပါတယ်..သူလည်း နိုင်ငံခြားရောက်နေတယ်ဆိုတာ ကျနော် မသိခဲ့ပါဘူး.. မြင်မြင်ချင်း မမှတ်မိပါဘူး မမှတ်မိဘူးဆိုတာကလည်း သူရဲ့ ရုပ်အသွင်က တော်တော်ကို ပြောင်းလဲသွားတာပါ.. ကျောင်းမှာတုန်းက သူကအမြဲတန်း သန့်သန့်ပြန့်ပြန့်နဲ့ စာမေးပွဲတွေဆိုလည်း အဆင့်ထိပ်နားမှာ ရောက်နေတတ်တဲ့ကောင်ပါ.. သူနဲ့စကားပြောဖြစ်မှ သူအကြောင်းတွေကို အကြောင်းစုံ သိလိုက်ရပါတယ်.. အခု သူလုပ်နေတာက သဘောင်္ကျင်းတစ်ခုမှာတဲ့.. ကျနော် တော်တော်လေး အံ့သြော် မိသလို စိတ်လည်း မကောင်းပါဘူး.. အဓိက ကတော့ ဒီမှာ ရှိတဲ့ Agent နဲ့ ကျနော်တို့ မြန်မာနိုင်ငံမှာ ရှိတဲ့ ကိုယ်ကောင်းစားဖို့တစ်ခုတည်း ကြည့်တတ်တဲ့ Agent နဲ့ ပေါင်းပြီး လိမ်ဆင်လုပ်လိုက် တာပါပဲ..ဒီလိုပြောလို့ အားလုံး Agent အပြစ်လားဆိုတော့လည်း မဟုတ်ပြန်ဘူးဗျာ.. စဉ်းစားကြည့်လိုက်တော့ အပြင်ဗဟုသုတ မရှိပဲ အယုံလွယ်လိုက်မိတာ ကာယကံရှင်ရဲ့ အပြစ်လည်း ပါတာပေါ့ဗျာ.. ဒီကိုလာဖို့ Agent နဲ့ ချိတ်လိုက်တာ သိန်း (၄၀) လောက် ကုန်သွားတယ်တဲ့.. Agent ပြောတုန်းက စာရင်းကိုင်ဆိုတာတဲ့ ဘာမှ မပင်ပန်းဘူး.. အေးဆေးပဲဆိုလို့ လာခဲ့တာ ရောက်ခါမှ ပြောထားတာနဲ့ လုပ်ရတာ အခြားစီပဲတဲ့ဗျာ… အဲလိုကြားရပြီးကတည်းက ကျနော် စိတ်မကောင်း ဖြစ်သွားပါတယ်.. ကျနော်လည်း သူကို အမှန်အတိုင်းပြောရရင် အကူအညီပေးနိုင်တဲ့ အနေအထားမှာပါပဲ.. ကျနော်ပြောနိုင်တာက သူ့ကို မြန်မာပြည် ပြန်သွားပြီး ပညာရပ်တစ်ခုခုနဲံ ပြန်လာဖို့ပါပဲ.. သူပြန်ပြောလိုက်တဲ့ တစ်ခွန်းတည်းသော စကားကသူ ပတ်ဝန်းကျင်ကို ရင်မဆိုင်ချင်ဘူးတဲ့……

ကျနော် ဒီအကြောင်းအရာကို နဲနဲပြောချင်ပါတယ်.. လူတစ်ယောက်ဟာ သူရဲ့ သမရိုးကျ လုပ်နေရာ သွားနေရာကနေပြီး ဒီလို သူများနိုင်ငံကို ထွက်လာတဲ့ အဓိကရည်ရွယ်ချက်ဟာ ၁၀၀မှာ ၉၃% လောက်ကတော့ သူတို့ရဲ့ ဘ၀၊ မိသားစု ၊နိုင်ငံ ကြီးကို ပြောင်းလဲစေချင်လို့ ပါပဲ.. အဲဒီလို ထွက်လာတဲ့ လူတိုင်းမှာ ကိုယ်စီ ကြုံတွေ့ရတဲ့ သုခ၊ ဒုက္ခတွေ ရှိပါတယ်.. ကျနော်တို့တုန်းကဆိုရင်လည်း နိုင်ငံခြားဆိုတာနဲ့ ပတ်သက်ပြီး ဘာမှ သေချာမသိပါဘူး.. သူများပြောတာတွေ နားထောင်ပြီး ရောက်လာတာပါ.. တစ်ကယ်ရောက်မှ တစ်ချို့ဟာတွေဟာ မှန်တာရော မှားတာတွေရော အစုံကို တွေ့ကြရပါတယ်.. ဒီကိုရောက်လာတဲ့ လူတစ်ယောက်ဟာ ကိုယ်မျှော်မှန်းသလို အကြောင်းကြောင်းကြောင့် ဖြစ်မလာခဲ့ဘူးဆိုရင် ကိုယ်ရဲ့ မွေးရပ်မြေ တိုင်းပြည်ကို ပြန်ဖို့မှ လွဲပြီး ဘာမှ မရှိပါဘူး.. အဲဒီမှာ ဘာစတွေ့ရလဲဆိုတော့ ကျနော်တို့ မြန်မာတွေရဲ့ ရိုးရာမပျက်တဲ့ ထုံးတမ်းစဉ်လာအတိုင်း လိုက်ပြီး စပ်စုတော့ပါပဲ.. ဟဲ့ ဘာလို့ ပြန်လာတာလဲ.. အဆင်မပြေလို့လား.. ဘာလား.. ညာလားနဲ့ လုပ်တော့တာပါပဲ.. ဒီက အဆင်မပြေလို့ ပြန်လာတဲ့ လူက စိတ်ဓာတ်က အစကတည်းက ကျချင်ကျချင် ဖြစ်နေတာ သူတို့လုပ်မှ ပိုဆိုးသွားပါတယ်.. အမေးခံရတဲ့ လူတစ်ယောက်ရဲ့ ရင်ထဲမှာ ဘယ်လောက် အနေခက် ၊ အခံရခက်မယ်ဆိုတာ စဉ်းစားကြည့်စေချင်ပါတယ်.. ဒါဟာ ကျနော် ကိုယ်တိုင် ကြုံတွေ့ ခံစားရဖူးလို့ပါ.. တစ်ကယ်တမ်း ဖြစ်သင့်တာလေးက အခုအဆင်မပြေလည်း နောက် တစ်ခါဆို အဆင်ပြေသွားမှာပါ.. စိတ်ဓာတ်မကျနဲ့ ထပ်ကြိုးစား ဘာညာ စသည်ဖြင့် အားပေးသင့်ပါတယ်.. အခုဟာက အဲဒီလို မဟုတ်ဘူးဗျာ.. ရေနစ်တဲ့လူကို ၀ါးကူထိုးနေသလိုပါပဲ.. ကယ်တင်ရမရောက်ပဲ ဆွဲနစ်နေသလို ဖြစ်နေပါတယ်.. တော်တော်ကို ဆိုးတဲ့ အခြေအနေပါ… နောက်တစ်ခု သိစေချင်တာက နိုင်ငံခြားလို နေရာမျိုးမှာ လူတကာနဲ့ ရင်ဘောင်တန်းပြီး ကြိုးစားရတာမျိုးပါ.. ကျနော်တို့ နိုင်ငံမှာလို ဟိုယောင် ဒီယောင်နဲ့ လုပ်နေလို့မရပါဘူး… ပြီးတော့ သူများနိုင်ငံတွေက တခြားတိုင်းပြည်ကို ထွက်လာပြီးဆိုရင် သူနဲ့ သက်ဆိုင်တဲ့ ပညာရပ်ကို တကယ်တတ်လို့ ထွက်လာတာများပါတယ်.. ကျနော်တို့လို ဟိုနား နဲနဲ ၊ ဒီနားနဲနဲ တတ်တာ မဟုတ်ပါဘူး.. အဲဒီတော့ အဲလိုလူမျိုးနဲ့ ယှဉ်နိုင်ဖို့ဆိုတာက ကျနော်တို့ များစွာလိုအပ်နေပါတယ်.. အဓိက ကတော့ English Speaking ပေါ့ဗျာ.. ကျနော်လည်း Speaking ရလားဆိုတော့ မရပါဘူး.. J

နောက် တစ်ခုကတော့ ကိုဘာတတ်လဲဆိုတာ ကို ကိုယ်တိုင်သိဖို့ပါပဲ.. အထက်ကပြောခဲ့သလို ဟိုနား နဲနဲ ၊ ဒီနားနဲနဲ ဆိုရင်တော့ ရေရှည်မလွယ်ပါဘူး.. ကျနော်တို့လည်း အခုထိ ကြိုးစားနေရဆဲပါ.. အဲ စင်ကာပူလို နိုင်ငံမျိုးမှာ ဘယ်ပညာရပ်မဆို တကယ်တတ် တကယ်သိရင် အလုပ်က ရှာရတာ လွယ်ပါတယ်.. ဒါမမဟုတ်ရင်တော့ ရတဲ့ အလုပ်က မြဲမှာမဟုတ်ပါဘူး.. ကျနော် အဲလိုပြောလို့ တစ်ကယ်တတ်ရင် ကျွမ်းရင် လာရင် ရမလာဆိုတော့ ရမယ်ဆိုတာ အာမ မခံရဲပြန်ပါဘူး.. အရာရာအားလုံးဟာ ဘုရားသခင်ရဲ့ လက်ထဲမှာ ရှိတော်မူပါတယ်. အဲဒီတော့ လာမယ်လို့ ရည်ရွယ်တဲ့ သူတွေ ဘုရားတရားတွေ ကောင်းကောင်းလုပ်ထားကြရင် ပိုအဆင်ပြေမယ်လို့ ထင်မိပါတယ်.. ပညာတွေ ဘယ်လောက်ပဲတော်တော် တတ်တတ် ဘုရားသခင်က မသနားဘူးဆိုရင် အဲဒီ လူဟာ ဘယ်လိုမှ အလုပ်ရနိုင်မှာ မဟုတ်ပါဘူး..

နောက်တစ်ခုကတော့ သူများတိုင်းပြည်မှာ နေရတာဟာ ကိုယ်တိုင်းပြည်မှာ နေရသလို အရာရာ အဆင်မပြေတတ်ပါဘူ.. ဒီမှာ က လူနေမူအဆင့်အတန်းမြင့် သလို ဆက်ဆံရေးမှာ လည်း ကျဲသွားတတ်ပါတယ်.. ကိုယ်တိုင်းပြည်မှာလို ရိုးရာစာတွေကို စားချင်တိုင်း ၀ယ်စားလို့ မရပါဘူး.. ဒီတော့ ဒီကို ရောက်တဲ့ လူတော်တော်များများ က အိမ်ကို လွမ်းနေတတ်ပါတယ်.. ပြောရရင်တော့ အိမ်လွမ်းနာပေါ့ဗျာ.. အဲဒီမှာ အလုပ်ကလဲ မရ စားရသောက်ရတာကလဲ အဆင်မပြေ ဒီတော့ မြန်မာပြည်က လူတွေ စဉ်းစားကြည့်ပါဦး .. သူတစ်ပါးတိုင်းပြည်မှာ အလုပ်လာလုပ် ၊ လာရှာတဲ့ လူတွေရဲ့ ဒုက္ခတွေကို…

အဲဒီတော့ အကြောင်းကြောင်းကြောင့် အဆင်မပြေပဲ ကိုယ်တိုင်းပြည်ကို ပြန်လာတဲ့ ကိုယ်ဆွေမျိုး ၊ သူငယ်ချင်း တွေကို ဖေးမကူညီကြပါဗျာ.. အားပေးကြပါ.. ရေနစ်နေတဲ့ လူကို မကူညီချင်ရင်နေပါ.. ၀ါးလုံးနဲ့တော့ ကူမထိုးကြပါနဲ့၊ သူတို့ရဲ့ စိတ်ဓာတ်တွေ မြင့်တက်လာအောင် ကူညီပေးကြပါ..အဲ ခင်ဗျားတို့ လာမယ်ဆိုရင်လည်း တစ်ချိန်ချိန်မှာ ဒီလို ကြုံတွေ့ကြရမှာပါ့လားဆိုတဲ့ အသိတရားလေး ထားပေးကြပါ.. ကျနော်တို့လဲ ဒီလို ဖြတ်သန်းခဲ့ရတာပါဗျာ.. ဘ၀ဆိုတာ အမြဲတမ်း ပန်းခင်းသော လမ်းမဟုတ်ပါဘူးဗျာ.. အဲ ပန်းခင်းတဲ့ လမ်းဟုတ်တယ်လို့ ပြောတဲ့ လူတွေလည်း သတိပေးပါရစေဗျာ… ပန်းခင်းထားတဲ့ လမ်းပေါ် လျှောက်မယ်ဆိုရင်လည်း ကြည့်လျှောက်ပါလို့ မွှေးကြိုင်နေတဲ့ ပန်းတွေကြားမှာ ဆူးအပြည့်နဲ့ နှင်းဆီလို ပန်းမျိုးတွေလည်း ရှိတတ်ပါတယ်လို့…တစ်ကယ်လို့များ အဲဒီဆူးပန်းတွေကို နင်းမိခဲ့ရင်လည်း နောက်ပြန်မဆုတ်ပဲ ရဲရဲဝင့်ဝင့်နဲ့ ကိုယ်ရွေးတဲ့ လမ်းကို လျှောက်နိုင်ကြပါစေလို့ ဆန္ဒြုပုရင်း……..

စိုးမင်းထိုက် (26/07/08 2:30am)